ԿԱՄԵՐԱՅԻՆ ԵՐԱԺՇՏՈՒԹՅԱՆ ԱԶԳԱՅԻՆ ԿԵՆՏՐՈՆ

Տիգրան Բունիաթյան

Տիգրան Բունիաթյանը ծնվել է  1991թ. Երևանում: 2008թ. ընդունվել է Երևանի պետական կոնսերվատորիայի տեսական բաժին: Մասնակցել է բազմաթիվ միջազգային երաժշտագիտական կոնֆերանսների: Զուգահեռաբար սովորել է երգեհոնի դասարանում, նախ  պրոֆ․ Վահագն Ստամբոլցյանի, ապա՝ Աննա Բակունցի ղեկավարությամբ։ Ավարտել է Երևանի պետական կոնսերվատորիայի մագիստրատուրան:

2011 թվականից որպես երգեհոնահար մասնակցում է Կամերային երաժշտության ազգային կենտրոնի կողմից կազմակերպվող ամենամսյա երգեհոնային համերգներին: Որպես կատարող մասնակցել է 2nd  Armenian Young Composers  Festival (2012),  World  Organ  Day (2013), Verdi 200 (2013),  3rd  New  Names  International   Festival  of Young Musician-Performers (2013),  World Choral Day (2014) և այլ փառատոների: 2012թ. ՌԴ Եկատերինբուրգ քաղաքում մասնակցել է «Վ.Ս.Ցվետիկովի  անվան 3-րդ միջազգային դաշնամուրային մրցույթին»՝  արժանանալով 2-րդ մրցանակի և Դափնեկրի կոչման:

2014թ․ Սանկտ-Պետերբուրգում կայացած «Ի․ Բրաուդոյի անվան երգեհոնահարների 2-րդ միջազգային մրցույթին» ստացել  է  Հատուկ  մրցանակ (Special prize "Creative individuality") և  Դիպլոմանտի կոչում։